იემენელმა ჰუთებმა წითელ ზღვაში სტრატეგიული კუნძული დაიკავეს და ბაბ-ელ-მანდების სრუტის ტერიტორიაზე კონტროლი სრულად დაამყარეს | AFP

იემენელმა ჰუთებმა დღეს წითელ ზღვაში მდებარე სტრატეგიული კუნძული დაიკავეს, რითაც დაასრულეს ბაბ-ელ-მანდების სრუტის მიმდებარე ტერიტორიაზე კონტროლის დამყარების პროცესი | ინფორმაციას სააგენტო AFP ადგილობრივი ხელისუფლების წარმომადგენელებსა და თვითმხილველებზე დაყრდნობით ავრცელებს

 

„შეიარაღებული მებრძოლებით სავსე ნავებმა კუნძულ მაიუნს მას შემდეგ მიაღწიეს, რაც სამთავრობო ძალებმა გუშინ უკან დაიხიეს და ის დატოვეს“, | აცხადებს ოფიციალური პირი და აღნიშნავს, რომ საუბარია კუნძულზე, რომელსაც ასევე პერიმს უწოდებენ და რომელიც სრუტეს ორ სანაოსნო დერეფნად ყოფს. თვითმხილველის თქმით, შეიარაღებული პირები „ბაბ-ელ-მანდების სანაპიროს გასწვრივ ნაწილდებიან და სამხედრო მანქანებით გადაადგილდებიან“

 

ჰუთები ირანის მიერ მხარდაჭერილი შიიტი მებრძოლების დაჯგუფებაა იემენიდან. მათი მთავარი მიზანია სრული ძალაუფლება იემენში, ბრძოლა აშშ-ისა და ისრაელის წინააღმდეგ და რეგიონში ირანის გავლენის გავრცელება