საქართველოს ხელისუფლება ევროკავშირის გაფართოების ფორუმზე არც წელს მიიწვიეს

საქართველოს ხელისუფლება ევროკავშირის გაფართოების ფორუმზე არც წელს მიიწვიეს.

„ფართო ევროპა - უფრო ძლიერი ევროპა“ - ამ სახელწოდებით ფორუმი ბრიუსელში 15-16 ნოემბერს გაიმართება. მისი მიზანია განიხილოს ევროკავშირის გაფართოების პერსპექტივა მიმდინარე გეოპოლიტიკური გამოწვევებისა და დაგეგმილი ცვლილებების ფონზე.

ფორუმზე სიტყვით გამოვლენ ევროკომისიისა და ევროპული საბჭოს პრეზიდენტები - ურსულა ფონ დერ ლაიენი და ანტონიუ კოშტა, ევროკომისარი გაფართოების საკითხებში მარტა კოსი, ევროკავშირის უმაღლესი წარმომადგენელი კაია კალასი, ფინეთის პრეზიდენტი ალექსანდრ სტუბი, მოლდოვის პრეზიდენტი მაია სანდუ, უკრაინის პრემიერ-მინისტრი სერჰი კორეცკი, ალბანეთის პრემიერი ედი რამა, პოლონეთის, საფრანგეთის, გერმანიის, უნგრეთის, ესპანეთისა და ლიეტუვის საგარეო საქმეთა მინისტრები.