რუსმა „ჰუმანისტებმა“ საღამოდან მოყოლებული კიევი სამი ბალისტიკური რაკეტით დაბომბეს... როდესაც რუსული ბალისტიკა მოლაპარაკებების პასუხია, საჭიროა რეალური ზეწოლა რუსეთზე, რათა გადაიდგას სხვა ნაბიჯები | წერს უკრაინის პრეზიდენტი, ვოლოდიმირ ზელენსკი სოციალურ ქსელში.
"რუსმა „ჰუმანისტებმა“ საღამოდან მოყოლებული კიევი სამი ბალისტიკური რაკეტით დაბომბეს. გამოიყენეს 21 რაკეტა. სამწუხაროდ, ქალაქში მნიშვნელოვნად დაზიანდა: ჩვეულებრივი სახლები, ენერგეტიკა, ერთ-ერთი სადგურისა და მეტროს ინფრასტრუქტურა, სავაჭრო ცენტრები, საწარმოები. დაზიანებულ ობიექტებს შორის მონასტერიც კი არის. ყველგან ჩვენი საგანგებო სამსახურები მუშაობენ. ჩვენი თორმეტი რეგიონი ღამით რუსული დარტყმების ქვეშ მოექცა. კიევსა და რეგიონებში 34 ადამიანი დაიჭრა, მათ შორის ხუთი ბავშვი. ამ დროისთვის ცნობილია ორი დაღუპულის შესახებ. ვუსამძიმრებ ოჯახებსა და ახლობლებს.
მორიგი მოლაპარაკებების დასრულებისთანავე, რუსეთმა სადემონსტრაციო დარტყმა განახორციელა. ეს ნიშნავს, რომ მის დამოკიდებულებაში იმ ყველაფრის მიმართ, რაც ხდება, რეალური ცვლილებები არ არის. მნიშვნელოვანია, კვლავაც გავაგრძელოთ სწორი გადაწყვეტილებების ძიება ამ ომის დასასრულებლად. მაგრამ როდესაც რუსული ბალისტიკა მოლაპარაკებების პასუხია, საჭიროა რეალური ზეწოლა რუსეთზე, რათა გადაიდგას სხვა ნაბიჯები - ნაბიჯები მკვლელობების შესაჩერებლად. საჰაერო თავდაცვის გაძლიერება, რაკეტების სწრაფი მოწოდება, ბალისტიკური რაკეტების გამშვები დანადგარების განადგურების შესაძლებლობა, სანქციები ომის გამო - ეს ყველაფერი უზრუნველყოფილი უნდა იყოს. მადლობელი ვარ ყველასი, ვინც სიტუაციას სწორედ ასე აღიქვამს და აღიარებს რეალობას. აგრესორი იმსახურებს შესაბამის დამოკიდებულებას. უკრაინა იმსახურებს მხარდაჭერას. ადამიანების სიცოცხლე იმსახურებს დაცვას. მადლობა ყველას, ვინც უკრაინის გვერდითაა!“ | წერს ზელენსკი.
