უკრაინულმა არტილერიამ რუსეთის მე-11 სატანკო პოლკის მეთაური, მაიორი ალექსეი კარავაევი მოკლა
უკრაინულმა არტილერიამ რუსეთის მე-11 სატანკო პოლკის მეთაური, მაიორი ალექსეი კარავაევი მოკლა | ამის შესახებ უკრაინული პროექტი X-Hory OSINT იტყობინება.
მკვლევრებმა აღმოაჩინეს რუსული ნეკროლოგი კარავაევის შესახებ, რომელიც იყენებდა საბრძოლო მეტსახელს „ოტეცი“. ძალების დაჯგუფება „სევერთან“ დაკავშირებულმა რუსულმა ტელეგრამ-არხმაც გაავრცელა ინფორმაცია, რომ კარავაევი 3-4 ოქტომბრის ღამეს დაიღუპა, ფრონტის ხაზის მახლობლად პოზიციების შემოწმების დროს.
მე-11 სატანკო პოლკი შედის რუსეთის მე-11 არმიის კორპუსის მე-18 მოტომსროლელ დივიზიაში. მისი მუდმივი დისლოკაციის ადგილი კალინინგრადის ოლქის ქალაქ გუსევშია, თუმცა ამჟამად დანაყოფი ხარკოვის მიმართულებით იბრძვის.